Sekretari i përgjithshëm i NATO-s, Jens Stoltenbegr, ka paralajëmruar se Maqedonia do të pranohet në NATO në samitin e ardhshëm të Aleancës që do të mbahet më 11 dhe 12 korrik, pasi që Shkupi dhe Athina arritën marrëveshje për çështjen e emrit, transmeton Gazeta Lajm.
“Shpresoj se do të ketë avancim me Ish Republikën Jugosllave të Maqedonisë, sepse ata arritën marrëveshje me Greqinë për çështjen e emrit. Nëse ajo marrëveshje finalizohet dhe implementohet në tërësi, emri i ri do të jetë Republika e Maqedonisë së Veriut dhe atëherë mund të fillojmë me anëtarësimin e IRJM-së në NATO. Shpresoj sinqerisht se do të mund ta bëjmë një gjë të tillë”, deklaroi Stoltenberg në një intervistë për televizionin “Frans 24”
