Një sasi prej 117 fara të dyshuara si narkotike Cannabis Sativa, janë sekuestruar nga policia dhe Dogana shqiptare në pikën e kalimit kufitar të Qafë Thanës .
Në pranga ka përfunduar Marion Alain Anastasia Coudair 21 vjeçe, banuese në qytetin Ecully-Francë.
Gjatë kontrollit të detajuar që shërbimet e Policisë Kufitare në bashkëpunim me Doganën kanë ushtruar, konkretisht në çantën personale të kësaj të fundit, u gjet dhe u sekuestrua në cilësinë e provës materiale farat e lëndës narkotike.
Kjo shtetase u arrestua në kushtet e flagrancës dhe materialet i kaluan Prokurorisë të Krimeve të Rënda në Tiranë për veprën penale: “Trafikimi i narkotikëve, mbetur në tentativë”.