Pak kohë pasi partitë u morën vesh për zgjedhje të parakohshme në prill të vitit të ardhshëm institucionet përgatiten për punësime të shumta. Dhjetëra konkurse për qindra vende të reja pune veç më janë hapur. Për momentin mbi 50 shpallje janë të publikuara në Agjencinë për Administratë. Ndër ato është edhe konkursi i Ministrisë së Bujqësisë, e cila kërkon 14 persona për udhëheqës, këshilltarë dhe bashkëpunëtorë. Ndërsa Ministria e Drejtësisë ka hapur konkurs për 9 persona, shumica nëpunës të ri. Edhe komunat kanë vendosur të marrin të punësuar të rinj. Komuna e Strugës në konkursin e shpallur kërkon 30 persona për ti punësuar në pozita udhëheqëse dhe në sektor të ndryshëm. Qyteti i Shkupit kërkon 21 persona për 12 vende pune, Komuna e Ohrit dhe ajo e Karposhit do të punësojnë nga 10 persona. Konkurse kanë hapur edhe komunat më të vogla si ajo e Studeniçanit, Dellçevës, Prespës, Sveti Nikollës dhe të tjera. Nga Komisioni për Anti-korrupsion thonë se do të shqyrtojnë të gjitha konkurset ku do të ketë dyshime. Nënkryetari Nuri Bajrami tha se për momentin punojnë në shqyrtimin e Ligjeve ndërsa deri më tani në 19 ligje është bërë verifikimi i dispozitave që gjenerojnë konflikte interesi. Bajrami thotë se deri më tani, Agjencitë private për punësim janë keqpërdorur më së shumti për punësime partiake. “Fatmirësisht në ndryshimet e fundit të Ligjit për të punësuarit në sektorin publik që janë në rrjedhë e sipër, është pranuar sugjerimi jonë që Agjencitë private për punësim të mos mund të angazhohen gjatë punësimit në sektorin publik. Ndërsa punësimet tjera janë të mbuluara me rregullativë ligjore dhe janë të detyruara ti zbatojnë organet shtetërore të cilat janë kompetente dhe nuk guxojnë të bëjnë lëshime – deklaroi Nuri Bajrami, anti-korrupsioni. Edhe pse vazhdimisht flitet për mbingarkesën e Administratës, nga Ministria e Shoqërisë informatike dhe Administratës, thonë se nuk janë kompetentë për atë nëse ka nevojë ose jo për punësime të reja në administratë, pasi institucionet punësojnë në harmonizim me planet vjetore./Alsat-M
Në këto kohë kur gjetja e një vendi pune është një sfidë më vete një kontribut modestë në zbutjen e papunësisë në Strugë, po japin kompanitë e ndryshme që japin...
Edhe pse kur u paralajmërua investimi në zonën e lirë ekonomike në Strugë, nga politika u tha se ky investim do i sjelli benefite të mëdha këtij qyteti, por deri...
Sot në mëngjes janë arrestuar dy persona, babë e birë, Kire dhe Cejo Gjeorgjievski, të identifikuar në sulmin ndaj Zijadin Selës. Pasdite, Prokuroria publike themelore – Shkup ka dalë me...
Juventusi është skuadra e parë që është kualifikuar në finales së Ligës së Kampionëve, ndërsa kundërshtari i ardhshëm do të jetë një mes Atletico Madridit ose Real Madrid. Finalja e...
Një grup shoqatash kanë paralajmëruar protestë masive në Bruksel në përkrahje të Ziadin Selës dhe zbardhjen e sulmit të huliganëve ndaj tij natën e 27 prillit në Kuvendin e Maqedonisë....
Kryetari “Lexhendar” i Partisë së Fortë, Visar Arifaj, ka komentuar rrëzimin e Qeverisë “Mustafa”. Pas rrëzimit të Qeverisë, në seancën e jashtëzakonshme të mbajtur sot, Arifaj ka paralajmëruar se do...