Raportet e tensionuara mes Ramush Haradinaj e Edi Ramës duket se i takojnë të kaluarës. Kryeministri i Shqipërisë e ka pritur sot në Tiranë ish-kryeministrin e Kosovës.
Haradinaj ka thënë se ndër të tjera ka diskutuar me Ramën për projektin e hekurudhës Prishtinë-Durrës.Reklame
“Bashkëpunimi mes Kosovës dhe Shqipërisë në ekonomi, infrastrukturë, siguri e politikë të jashtme, ishin temat kryesore të takimit të sotëm me Kryeministrin Edi Rama.
Bashkëbiseduam gjithashtu për projektin e Hekurudhës Prishtinë – Durrës si projekt i domosdoshëm për të dyja vendet, si dhe dhënien e dyshtetësisë për qytetarët tanë.
Falënderova Kryeministrin Rama për ndihmën e shtetit shqiptar gjatë krizës energjetike në Kosovë dhe shpreha nevojën e gjetjes së mënyrave të bashkëpunimit të ngushtë mes dy vendeve në këtë kohë aspak normale” shkruan Haradinaj në njoftim.
