Pak kohë pasi partitë u morën vesh për zgjedhje të parakohshme në prill të vitit të ardhshëm institucionet përgatiten për punësime të shumta. Dhjetëra konkurse për qindra vende të reja pune veç më janë hapur. Për momentin mbi 50 shpallje janë të publikuara në Agjencinë për Administratë. Ndër ato është edhe konkursi i Ministrisë së Bujqësisë, e cila kërkon 14 persona për udhëheqës, këshilltarë dhe bashkëpunëtorë. Ndërsa Ministria e Drejtësisë ka hapur konkurs për 9 persona, shumica nëpunës të ri. Edhe komunat kanë vendosur të marrin të punësuar të rinj. Komuna e Strugës në konkursin e shpallur kërkon 30 persona për ti punësuar në pozita udhëheqëse dhe në sektor të ndryshëm. Qyteti i Shkupit kërkon 21 persona për 12 vende pune, Komuna e Ohrit dhe ajo e Karposhit do të punësojnë nga 10 persona. Konkurse kanë hapur edhe komunat më të vogla si ajo e Studeniçanit, Dellçevës, Prespës, Sveti Nikollës dhe të tjera. Nga Komisioni për Anti-korrupsion thonë se do të shqyrtojnë të gjitha konkurset ku do të ketë dyshime. Nënkryetari Nuri Bajrami tha se për momentin punojnë në shqyrtimin e Ligjeve ndërsa deri më tani në 19 ligje është bërë verifikimi i dispozitave që gjenerojnë konflikte interesi. Bajrami thotë se deri më tani, Agjencitë private për punësim janë keqpërdorur më së shumti për punësime partiake. “Fatmirësisht në ndryshimet e fundit të Ligjit për të punësuarit në sektorin publik që janë në rrjedhë e sipër, është pranuar sugjerimi jonë që Agjencitë private për punësim të mos mund të angazhohen gjatë punësimit në sektorin publik. Ndërsa punësimet tjera janë të mbuluara me rregullativë ligjore dhe janë të detyruara ti zbatojnë organet shtetërore të cilat janë kompetente dhe nuk guxojnë të bëjnë lëshime – deklaroi Nuri Bajrami, anti-korrupsioni. Edhe pse vazhdimisht flitet për mbingarkesën e Administratës, nga Ministria e Shoqërisë informatike dhe Administratës, thonë se nuk janë kompetentë për atë nëse ka nevojë ose jo për punësime të reja në administratë, pasi institucionet punësojnë në harmonizim me planet vjetore./Alsat-M
LR-PDSH-ja lajmëron se të hënën, në orën 13.00, në selinë e saj në Tetovë do të zhvillohet konferenca e parë e shtypit e kryesuar nga Kryetari i Ziadin Sela. "Do...
Gresa Mustafai dhe Hamza Zylali në Kampionatin Ballkanik të Karatesë Nga data 19-21 maj 2017 në Stamboll të Turqisë, do të mbahet Kampionati Ballkanik në Karate për fëmijë të moshës...
Pak dite me pare,ne Shkup u mbajten garat Republikane per kimi,ku nxenesit e shkollave fillore nga Struga me periferi, garuan dhe moren vende te mira, ne konkurencen e 132 garuesve!...
I nominuari për kryeministër nga Vetëvendosja, Albin Kurti, ka thënë se takimet me Lidhjen Demokratike të Kosovës nuk sollën bashkëpunim sepse LDK nuk ishte e gatshme të përfshihej në listën...
Të martën (16.05.2017) në stacionin policor në Çair, personi me iniciale Ј.R. (68) ka denoncuar se të njëjtën ditë është larguar nga shtëpia në drejtim të panjohur bashkëshortja e tij...